Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 99-1} naṟaviṉai varaintārkku um varaiyārkku um avai eṭuttu
• {KALI 99-2} aṟa viṉai iṉpuṟūum antaṇar iruvar um
• {KALI 99-3} tiṟam vēṟu ceytiyiṉ nūl neṟi piḻaiyātu
• {KALI 99-4} kuḻaviyai pārttu uṟūum tāy pōl ulakattu
• {KALI 99-5} maḻai curantu aḷittu ōmpum nal ūḻi yāvarkku um
• {KALI 99-6} piḻaiyātu varutal niṉ cemmaiyiṉ tara vāynta
• {KALI 99-7} iḻai aṇi koṭi tiṇ tēr iṉa maṇi yāṉaiyāy
• {KALI 99-8} aṟaṉ niḻal eṉa koṇṭāy āy kuṭai a kuṭai
• {KALI 99-9} puṟa niḻal kīḻ paṭṭāḷ ō ivaḷ ivaṇ kāṇṭikā
• {KALI 99-10} piṟai nutal pacappu ūra peru vituppu uṟṟāḷai
• {KALI 99-11} poyyāmai nuvalum niṉ ceṅkōl a ce kōliṉ
• {KALI 99-12} cey toḻil kīḻ paṭṭāḷ ō ivaḷ ivaṇ kāṇṭikā
• {KALI 99-13} kāma nōy kaṭai kūṭṭa vāḻum nāḷ muṉintāḷai
• {KALI 99-14} ēmam eṉṟu iraṅkum niṉ eṟi muracam a muraciṉ
• {KALI 99-15} ēmattu ikantāḷ ō ivaḷ ivaṇ kāṇṭikā
• {KALI 99-16} vēy nalam iḻanta tōḷ kaviṉ vāṭa iḻappāḷai
• {KALI 99-17} āṅku
• {KALI 99-18} neṭitu cēṇ ikantavai kāṇiṉum tāṉ uṟṟa
• {KALI 99-19} vaṭu kāṭṭa kaṇ kāṇātu aṟṟu āka eṉ tōḻi
• {KALI 99-20} toṭi koṭpa nītta koṭumaiyai
• {KALI 99-21} kaṭitu eṉa uṇarāmai kaṭintatu ō niṉakku ē